Charter Document - 05450489
| Charter Number: | 05450489 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1252 - 1268 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus le especer dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus in puram et perpetuam elemosinam pro salute anime mee et pro salute animarum omnium antecessorum et successorum meorum quamdam domum cum omnibus suis pertinentiis in villa Oxon videlicet in parochia sancte Marie quam emi de magistro Martino de Wigorn que sita est inter domum domini abbatis de Oseneye ex una parte et domum Agathe de Oxon ex parte altera juxta cimiterium dicte ecclesie sancte Marie quam quidem domum cum omnibus suis pertinentiis ad vesturam antedictarum monialium specialiter assignavi reddendo inde annuatim domino abbati de Osen iiii s ad quatuor anni terminos videlicet ad festum sancti Michaelis xii d ad natale domini xii d [et ad festum beate Marie in Marcio xii d] et ad festum sancti Johannis baptiste xii d pro omnibus secularibus demandis que aliquo modo vel aliqua occasione de dicta domo cum omnibus suis pertinentiis exigi possunt vel vendicari Et ego predictus Willelmus et heredes mei sive mei assignati warantizabimus acquietabimus et defendemus predictam domum cum omnibus suis pertinentiis predictis monialibus et earum successoribus contra omnes mortales per predictum servitium sicut predictum est inperpetuum Ut autem hec mea donatio concessio et presentis carte mee confirmatio rata et stabilis et inconcussa permaneat et robur firmitatis optineat huic scripto sigilli mei inpressionem apposui Hiis testibus domino P Basset Ada Feteplace tunc temporis maiore Oxon Galfrido de Hengse tunc temporis ballivo Oxon Willelmo de O Radulpho aurifabro Oxon Philippo de O et aliis