Charter Document - 05450486
| Charter Number: | 05450486 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 - 1291 |
| Date type: | Assigned |
| Resource Link(s): |
|
Charter:
Sciant presentes et futuri quod ego dictus Odo capellanus de Godestowe dedi concessi et hac presenti carta mea confirmavi deo et ecclesie sancte Marie et sancti Johannis baptiste de Godestowe et monialibus ibidem deo servientibus et inperpetuum servituris unum mesuagium cum pertinentiis suis quod situm est inter terram que fuit Rogeri le Sauser ex una parte et terram Matildis de Hordlee ex altera in vico de Scidward in parochia sancte Frideswyd Oxon una cum xx s annui redditus de toto illo tenemento quod situm est inter domum Johannis de Weston ex parte occidentali et vicum qui vocatur Scidward ex parte orientali in parochia sancte Marie Oxon quod quidem tenementum Thomas de Southam aliquando tenuit in eadem parochia cum toto iure et clameo que michi vel heredibus meis de toto predicto tenemento evenire poterit ratione predictorum xx s habendum et tenendum dictum mesuagium cum omnibus suis pertinentiis una cum predictis xx s anni redditus dictis monialibus et earundem successoribus libere quiete bene et in pace inperpetuum reddendo inde annuatim michi et heredibus meis vel meis assignatis unum clavum gariophili ad pasche et priori sancte Frideswid Oxon iiii s ad duos anni terminos videlicet ad festum sancti Michaelis ii s et ad festum sancte Marie in Marcio ii s pro omni servitio seculari exactione et demanda Et ego predictus Odo et heredes mei vel mei assignati totum predictum mesuagium una cum predictis xx s redditus de toto illo tenemento quod aliquando fuit Thome de Southam provenientibus dictis monialibus et earundem successoribus warantizabimus acquietabimus et inperpetuum defendemus Pro hac autem donatione concessione warantizatione defensione et presentis carte mee confirmatione dederunt michi predicte moniales liii marcas Et ut hec autem mea donatio concessio warantizatio defentio et presentis carte mee confirmatio rata sit et inconcussa inperpetuum presentem cartam sigilli inpressione roboravi Hiis testibus Johanne de Ew tunc maiore Oxon Willelmo de Wottesdon et Roberto de Wormenhale tunc ballivis eiusdem ville Willelmo le espicer Philippo de Ew Henrico Owayn Nichaolao aurifabro Johanne Culverd Thoma de Seuwy et aliis