Charter Document - 05450485
| Charter Number: | 05450485 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1291 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus scriptum visuris vel audituris Johannes dictus de Weston et Isolda uxor sua salutem in domino Ad universorum volumus pervenire noticiam quod cum nos dicti Johannes et Isolda uxor mea dedimus concessimus et per cartam nostram confirmavimus domino Odoni dicto capellano de Godestowe et heredibus suis vel suis assignatis quibuscumque xx s anni redditus de quodam tenemento in parochia sancte Marie Oxon provenientes quod quidem tenementum Thomas de Southam aliquando tenuit in eadem parochia prout carta dicti Odonis quam de nobis inde habet inperpetuum plenius continetur volentes eidem Odoni et heredibus suis vel suis assignatis quibuscumque de predictis xx s annui redditus de predicto tenemento prevenientibus maiorem securitatem facere obligamus eidem Odoni et heredibus suis vel suis assignatis quibuscumque ad warantizationem dictorum xx s annui redditus omnia tenementa nostra in parochia sancte crucis in suburbio Oxon que tenementa habuimus ex dona Emme que fuit uxor Henrici molendinarii una cum toto tenemento nostro in parochia sancti Michaelis australis super magnum pontem quod quidem tenementum habuimus ex dono Alicie que fuit uxor Rogeri le Webbe donec finalis concordia inter nos et dictum Odonem et heredes suos vel suos assignatos quoscumque in curia domini regis de predictis xx s annui redditus de predicto tenemento in parochia sancte Marie Oxon provenientibus plenarie fuerit levata et dicto Odoni et heredibus suis vel suis assignatis quibuscumque liberata ad quem finem fideliter levandam fide media sumus constricti Cum autem finalis concordia inter nos et dictum Odonem et heredes suos vel suos assignatos quoscumque in curia domini regis plenarie fuerit levata presens obligatio pro nichilo habeatur In cuius rei testimonium presenti obligationi sigilla nostra sunt appensa Hiis testibus Johanne de Ew tunc maiore Oxon Willelmo de Wottesdon et Roberto de Wormenhal ballivis eiusdem Willelmo le espicer Philippo de Ew Henry Owayn Thoma Seuwy Johanne Wich et aliis Data apud Oxon die veneris proxima ante annunciationis festum beate Marie anno regni regis Edwardi filii regis Henrici nonodecimo