Charter Document - 05450484
| Charter Number: | 05450484 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 - 1291 |
| Date type: | Assigned |
| Resource Link(s): |
|
Charter:
Omnibus ad quos presentes littere pervenerit Johannes de Weston et Isolda uxor sua salutem in domino Noverit universitas vestra nos caritatis intuitu concessisse quantum in nobis [est] pro nobis et heredibus nostris quod Alicia filia et [heres] Thome de Southam possit feofare dominam Mabiliam dei gratia abbatissam de Godestow ac eiusdem loci conventum de toto illo tenemento cum pertinentiis quod situm est inter tenementum nostrum et vicum Reginaldi qui dicitur Scidherd in parochia beate Marie Oxon salvis nobis et heredibus nostris xx s annuis de predicto tenemento ad quatuor anni terminos videlicet ad festum nativitatis domini v s et ad festum beate Marie in Marcio v s et ad festum sancti Johannis baptiste v s et ad festum sancti Michaelis v s Et nos predicti Johannes et Isolda predictam abbatissam et conventum ratione predicti feofamenti de predicto tenemento nullo modo molestabimus Et si contingat nos contra concessionem nostram predictam aliquo modo evenire obligamus nos solvere x marcas sterlingorum in subsidium terre sancte In cuius rei testimonium presenti scripto sigilla nostra apposuimus Hiis testibus Willelmo le espicer tunc maiore Oxon Thoma de Sowy et Andrea de Pyrie tunc ballivis eiusdem Henrico Oweyn Philippo de Ew Johanne de Ewe Johanne Wyth et aliis