Charter Document - 05450479
| Charter Number: | 05450479 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1321 |
| Date type: | Internal, Feast, Regnal |
| Resource Link(s): |
|
Charter:
Inquisitio capta coram excaetore domini regis citra Trentam apud Oxon die veneris proxima post festum sancti Johannis ante portam latinam anno regni regis Edwardi filii regis Edwardi quartodecimo virtute cujus brevis sibi directis ad suggestionem abbatisse de Godestowe in curia domini regis factam de uno mesuagio una acra prati in suburbio Oxon et duabus placeis de communa pasture in Wolgaricote eidem domui diu ante publicationem statuti de terris et tenementis ad manum mortuam non ponendis editi adquisita fuissent et de uno mesuagio et decem acras terre cum pertinentiis in eodem suburbio que de domino rege tenet in capite in puram et perpetuam elemosinam Thome Tyes ad terminum vite sue alienasse licentia domini E regis patris regis nunc aut licentia domini regis qui nunc est super hiis non optenta per sacrum Roberti le Boteley Willelmi de Leigh Roberti de Craunford Johannis London Stephani Donnyle Johannis de Wygthulle Thome Bost Roberti de Heyford Thome le Hore Willelmi de Wyttenye Johannis Fouke et Johannis Jarme juratorum Qui dicunt per sacrum suum quod predictum mesuagium et una acra prati qui sunt in Walton in suburbio Oxon et predicte due placee de communa pasture que sunt in Wolgaricote in hundredo de Wotton diu ante publicationem statuti predicti fuerunt adquisita de antiqua fundatione ecclesie sue de Godestowe tempore quo non extat memoria Dicunt etiam quod unum mesuagium et decem acras terre cum pertinentiis in eodem suburbio numquam alienata fuerunt Thome Tyes antedicto ad terminum vite sue nec alio modo set ea tenet ad voluntatem dicte abbatisse in villinagio In cujus rei testimonium predicti jurati huic inquisitioni sigilla sua apposuerunt Data die loco et anno supradictis