Charter Document - 05450478
| Charter Number: | 05450478 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1339 |
| Date type: | Internal, Feast, Regnal |
| Resource Link(s): |
|
Charter:
Inter Matillidem de Bello Campo permissione divina abbatissam de Godestowe et eiusdem loci conventum ex parte una et Thomam de Brackele Juliam uxorem suam et Agnetem filiam eorum ex parte altera convenit in hunc modum videlicet dicti abbatissa et conventus tradiderunt concesserunt et ad firmam dimiserunt dictis Thome Juliane et Agneti a festo nativitatis sancti Johannis baptiste anno regni regis Edwardi tercii post conquesto terciodecimo usque ad terminum viginti annorum continue sequentium et plenarie completorum quoddam mesuagium cum curtilagio in suburbio Oxon in vico sancti Egidii situatum inter tenementum Johannis de Croxford ex parte una et tenementum Rogeri Bost ex altera habendum et tenendum dictum mesuagium et curtilagium cum omnibus suis pertinentiis predictis Thome Juliane et Agneti ad terminum viginti annorum predictorum de dictis abbatissa et conventu et successoribus suis reddendo inde annuatim dictis abbatisse et conventui et successoribus suis x s sterlingorum ad quatuor anni terminos usuales per equales porciones ad totum terminum antedictum Solvent etiam singulis annis durante termino predicto xiiii d sterlingorum procuratori ecclesie beate Marie Magdalen Et predicti Thomas Juliana et Agnes dictum mesuagium cum curtilagio per totum terminum predictum sumptibus suis propriis sustentabunt et defectis in eisdem cum necesse fuerit competenter emendabunt et reparabunt et in adeo bono statu quo illa receperunt dimittent vel meliori Et si aliquid de novo construant in dictis mesuagio et curtilagio remanebit dictis abbatisse et conventui et successoribus suis quandocumque de dicta firma recedant Et non liceat dicti Thome Juliane et Agneti dictum mesuagium cum curtilagio infra dictum terminum alicui dimittere Et si contingat dictos Thomam Julianam et Agnetem in solutione dictus redditus ad aliquem terminum in parte vel in toto per unam meus sequentem quod absit deficere ex tunc licebit dictis abbatisse et conventui et successoribus et eorum assignatis dictos Thomam Julianam et Agnetem per omni bona sua distringere et dictum mesuagium et curtilagium ingredit et reassumere et in proprios usus retinere inperpetuum Et si contingat dictos Thomam Julianam et Agnetem infra dictum terminum decedere predictum mesuagium cum curtilagio statim post eorum decessum ad dictos abbatissam et conventum plenarie revertatur Et predicte abbatissa et conventus dictum mesuagium cum curtilagio et cum omnibus suis pertinentiis dictis Thome Juliane et Agneti vel uni eorum viventi durante termino predicto in forma predicta warantizabunt et defendent In cuius rei testimonium partes predicte sigilla sua presentibus scriptis indentatis alternatim apposuerunt Data apud Godestowe die et anno supradictis