Charter Document - 05450476
| Charter Number: | 05450476 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1278 - 1283 |
| Date type: | Assigned |
| Resource Link(s): |
|
Charter:
Hec est conventio facta inter Roysam de Oxhay dei gratia abbatissam de Godestowe et eiusdem loci conventum ex una parte et Robertum de Milton ex altera videlicet quod dicta abbatissa et dictus conventus tradiderunt et ad feodam firmam dimiserunt dicto Roberto illud mesuagium cum omnibus pertinentiis suis quod situm est inter mesuagium quod quondam fuit Ade de Middelton et mesuagium Willelmi Crompe in parochia sancti Egidii in suburbio Oxon habendum et tenendum de dictis abbatissa et conventu et eorum successoribus dicto Roberto et heredibus suis de corpore suo legittime procreatis libere quiete bene et in pace reddendo inde annuatim dictis abbatisse et conventui et eorum successoribus dictus Robertus et heredes sui de corpore suo legittime procreati xiii s et iiii d ad quatuor anni terminos scilicet ad natale domini xl d et ad festum beate Marie in Marcio xl d et ad festum nativitatis sancti Johannis baptiste xl d et ad festum sancti Michaelis xl d pro omni servitio seculari et demanda salvis duabus dietis autumpno et secta duarum curiarum capitalium Dicta vero abbatissa et dictus conventus dictum mesuagium cum omnibus pertinentiis suis dicto Roberto et heredibus suis de corpore suo legittime procreatis contra omnes homines mares et feminas tam christianos quam iudeos warantizabunt acquietabunt per predictum redditum et defendent Dictus autem Robertus et heredes suis dictum mesuagium cum pertinentiis suis propriis sumptibus sustinebunt in adeo bono statu quam illud receperunt vel meliori et non licebit dicto Roberto et heredibus suis dictum mesuagium in toto vel in parte vendere vel assignare nec aliquo modo alienare Et si contingat quod dictus redditus terminis statutis minime fuerit solutus quod absit vel quod dictum mesuagium sit ruinosum per quod dictus redditus de dicto mesuagio levari non poterit tunc licebit dictis abbatisse et conventui dictum mesuagium cum pertinentiis suis in fine anni intrare et in proprios usus recipere et occupare sine contradictione alicuius seu aliquorum Ad hec omnia fideliter observanda dictus Robertus fideiussorem invenit scilicet Hugonem de Milton patrem suum qui se obligavit et concessit pro se et heredibus suis quod quandocumque redditus predictus ad terminos statutos non fuerit plenarie solutus licitum fit predictis abbatisse et conventui et eorum successoribus in omnibus edificiis dicti Hugonis et heredibus suorum et in omnibus bonis suis mobilibus et immobilibus ubique pro dicto redditu namiare et distringere prousque de dicto redditu plenarie fuerit satisfactum renuntians in hoc facto utraque pars pro se et successoribus suis et heredibus suis omni exceptioni covillationi et maxime regie prohibitioni et omnis iuris remedio per quod presens instrumentum sub forma prescripta inpedire poterit In cuius rei testimonium huic presenti scripto in modo cyrographi confecto partes sigilla sua una cum sigillo dicti Hugonis patris et fideiussoris dicti Roberti alternatim apposuerunt Hiis testibus Waltero Bost tunc ballivo hundredi Johanne de Curtlinton Willelmo Crompe Nicholao de Worton Johanne de Cumpton Willelmo Motte et aliis