Charter Document - 05450474
| Charter Number: | 05450474 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1215 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardi Giffard concessi dimisi et liberavi Galfrido de Kenintona quandam acram terre cum tribus domibus desuper edificatis in parrochia sancti Egidii extra portam aquilonarem Oxon scilicet illam quam tenui de Thoma Basset que iacet inter terram abbatisse de Godestowe ex una parte et magnum vicum ex alia parte habendam et tenendam sibi et heredibus suis de me et heredibus meis in feodo et hereditate libere quiete plene et integre reddendo inde annuatim michi et heredibus meis xii d ad festum sancti Michaelis pro omni servitio et exactione Et ego Ricardus predictus et heredes mei warantizabimus predictam acram terre cum tribus domibus desuper edificatis prenominato Galfrido et heredibus suis contra omnes homines mares et feminas Et pro hac mea concessione dimissione et warantizatione predicte terre prefatus Galfridus dedit michi tres marcas argenti et dimidiam in gersumma Et quia volui ut omnia suprascripta sicut predivisa sunt firma et inconcussa permaneant hanc presentem cartam sigilli mei munimine corroboravi Hiis testibus Galfrido Sturdi Simone Balehorn Andrea de Wolgaricote Gileberto Fabro Rogero Messario Johanne Crampe Johanne Choith Willelmo de Kenynton Ricardo allutario Willelmo Pichecoth Rogero filio Stephani Radulpho filio Simonis Rogero filio Erlewini Henrico de Lisewis Lamberto allutario Hervasio Turnur Ricardo senescallo Petro Palmer Anketillo filio Segari Willelmo filio eius Willelmo de London et multis aliis