Charter Document - 05450473
| Charter Number: | 05450473 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Petrus de Middelton burgensis Oxon dedi concessi et hac presenti carta mea confirmavi Nicholao de Bluntesdone totum illud tenementum videlicet unum mesuagium et unam soppam cum omnibus suis pertinentiis que sita sunt inter messuagium Nicholai filii Milonis ex parte australi et messuagium Roberti de Middelton ex parte boriali in parochia sancti Egidii in suburbio Oxon et tres acras et dimidiam terre arabilis quarum tres acre iacent inter terram abbatisse de Godestowe ex una parte et terram Roberti de Berton ex altera et dimidia acra iacet inter terram predicte abbatisse ex utraque parte et se extendunt de tenementis predictis usque ad stratam regiam de Bellomonte in predicta parochia habendum et tenendum totum predictum mesuagium et soppam et predictas tres acras et dimidiam terre arabilis cum omnibus suis pertinentiis predicto Nicholao et heredibus suis vel suis assignatis de me et heredibus meis vel meis assignatis cuicumque voluerit dare vel vendere vel assignare tam religiosis quam secularibus et tam in egritudine quam in sanitate libere quiete pacifice et integre iure hereditario inperpetuum reddendo inde annuatim capitalibus dominis feudi servitium debitum et consuetum videlicet xvi s et vi d pro omni servitio seculari sectis curiarum et omnibus exactionibus et demandis Et ego predictus Petrus et heredes mei vel mei assignati warantizabimus acquietabimus et defendemus predictum mesuagium et soppam et predictas tres acras et dimidiam terre arabilis cum omnibus suis pertinentiis predicto Nicholao et heredibus suis vel suis assignatis per predictum servitium contra omnes gentes et feminas inperpetuum ad quorumcumque manus tenementa mea inposterum deveniat Pro hac autem donatione concessione warantizatione et carte mee confirmatione dedit michi predictus Nicholaus lx marcas sterlingorum premanibus Ut igitur predicta firma et stabilia sine dolo inperpetuum permaneant presentem cartam sigilli mei impressione roboravi Hiis testibus domino Ricardo de Williamescote tunc vicecomite Oxon et custode hundredi extra portam borialem Oxon Johanne de Eu tunc maiore Oxon Willelmo de Wodeston Roberto de Wormehal tunc prepositi Henrico Oweyn Philippo de Eu Thoma de Souy Waltero Bost et multis aliis Data Oxon die sancti Cutberti anno regni regis Edwardi nono decimo