Charter Document - 05450472
| Charter Number: | 05450472 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1205 - 1206 |
| Date type: | Internal, Episcopal |
| Resource Link(s): |
|
Charter:
Hec est conventio facta inter Willelmum filium decani Oxon ex una parte et Lucam de Witham ex alia parte quod predictus W tradidit et concedit predicto L in firmam xv acras terre illas scilicet que iacent in cultura de Eilmereswelle inter pratum predicti W et magnum iter de Wodestoke ad Oxon proxime terre abbatisse de Godestowe que vocatur Hodelowe tenendas xxx annis predicto L et heredibus suis vel cui eas assignare voluerit de predicto W et heredibus suis libere quiete pacifice reddendo inde annuatim pro omni servitio et seculari exactione ii s ad festum sancti Michaelis Et prenominatus W vel heredes sui prefato L vel heredibus suis vel cui eam terram assignare voluerit contra omnes homines debent warantizare Pro hac autem traditione et concessione anno ab obitu sancti Thome Cant archiepiscopi anno xxxv incepta memoratus L [dedit] memorato W ad introitum vii marcas et duas summas ordei Et ut hec conventio et concessio stabilis et inconcussa permaneat tam prefatus W quam prefatus L fide ex utraque parte de hac conventione tenenda interposita eam sigilli sui attestatione corroboravit Hiis testibus Roberto Morgan Philippo molendinario Rogero de Bray Johanne Pady Rogero de Langport Ada ianitore Galfrido Sturdi Simone clerico Johanne de Hattecumba Hereberto de Piria Everardo de Bray Hervisio clerico et multis aliis