Charter Document - 05450471
| Charter Number: | 05450471 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus Vinch per consenssum et concessum Luce uxoris mee dedi et concessi et hac presenti carta mea confirmavi Beatrice filie mee dimidietatem totius illius terre quam habui quondam de Clementie le Bere in parochia sancti Egidii extra portam borialem in suburbio Oxon scilicet illam medietatem que iacent propinquior terre Johannis Rodeplonte tenendam et habendam de me et heredibus meis sibi et heredibus suis vel suis assignatis libere quiete bene integre et in pace reddendo inde annuatim michi et heredibus meis i d argenti in die pasche et vi d ad luminare sancti Egidii eiusdem parochie ad tres anni terminos scilicet ad festum sancti Michaelis ii d ad purificationis beate Marie ii d et ad pentacosten ii d pro omni servitio actione et demanda Et ego vero dictus Ricardus Vinch et heredes mei predictam medietatem terre cum pertinentiis dicte Beatrice filie mee contra omnes homines et feminas warantizabimus defendemus et aquietabimus Et propter istam donationem et concessionem dedit michi dicta Beatrix ii s sterlingorum Et ut ista donatio et concessio rata et stabilis permaneat inperpetuum huic scripto sigillum meum apposui Hiis testibus Willelmo de Bere Ricardo Dolle Hernaldo le Goer Symone filio Milonis Johanne Rodeplonte Rogero filio Hyvonis et multis aliis