Charter Document - 05450470
| Charter Number: | 05450470 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod nos Emma Bluet permissione divina abbatissa de Godestowe assensu et consensu totius conventus nostri dedimus et concessimus et hac presenti carta nostra confirmavimus Johanni de Cumpton totum illud mesuagium cum pertinentiis situm inter terram Ade de Middeltone ex una parte et terram Willelmi Crompe ex alia in parochia sancti Egidii extra portam aquilonarem in suburbio Oxon tenendum et habendum de nobis et successoribus nostris dicto Johanni et heredibus suis libere quiete bene et in pace reddendo inde annuatim nobis et successoribus nostris dictus Johannes et heredes sui x s argenti ad quatuor anni terminos videlicet ad nathalem ii s et vi d et ad festum beate Marie in Marcio ii s et vi d et ad nativitatem sancti Johannis baptiste ii s et vi d et ad festum sancti Michaelis ii s et vi d et unum hominem ad nostrum magnum bederip in autumpno pro omni servitio consuetudine et demanda Et dictus Johannes totum predictum tenementum suis sumptibus sustentabit in statu quo nunc est vel in meliori si poterit Et obligavit se dictus Johannes ut possit distringi sine aliqua contradictione in illo tenemento et etiam mobilia et inmobilia si in aliquo termino prescripto a solutione redditus debiti cessaverit Et si contingat quod nos vel successores nostri aliquas expansas pro dicto redditu nostro perquirendo fecerimus idem Johannes et heredes sui dictas expensas nobis vel successoribus nostris refundere tenetur Et nos Emma Bluet et conventus et successores nostri dictam mesuagium cum pertinentiis sicut predivisum est dicto Johanni et heredibus suis contra omnes homines mares et feminas christianos et iudeos warantizabimus acquietabimus et defendemus inperpetuum ita videlicet quod non licebit dicto Johanni vel heredibus suis dictum mesuagium in iudaismo inpignorare nec alicui domui religiose excepta domo nostra de Godestowe alieanare Et ut ista donatio concessio et warantizatio rata et stabilis permaneant hoc scriptum sigilli nostri cum sigillo communi nostri conventus appositione corroboravimus Hiis testibus Nicholao de Stokwell tunc maiore Oxon Willelmo de Ho Galfrido le Mercer tunc prepositis Willelmo Yberico tunc ballivo hundredi Henrico filio Milonis Ada de Middelton Willelmo Crampe Johanne de Kyrtlinton Willelmo de Cokesham Willelmo Motte Roberto molendinario Symone le Bere Ernaldo le Goer Petro Godale et aliis