Charter Document - 05450468
| Charter Number: | 05450468 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1264 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes Crompe de Oxon dedi concessi et hac presenti carta mea confirmavi Hugoni le paumer sex acras prati cum pertinentiis quarum quinque jacent in Eilrichesheite inter Hacwere et Haldewere in comitatu Berk que accidunt michi per sortem et una acra prati in Bissopesheite que michi accidit per sortem habendas et tenendas de me et heredibus meis dicto Hugoni et heredibus suis vel suis assignatis quibuscumque dare vendere legare assignare voluerit sive in sanitate sive in egritudine libere quiete pacifice et integre reddendo inde annuatim michi et heredibus meis i d in festo nativitatis Johannis baptiste et capitalibus dominis illius feudi servitium debitum et consuetum pro omni servitio exactione et demanda Ego vero dicti Johannes et heredes mei dictas sex acras prati cum omnibus pertinentiis suis dicto Hugoni et heredibus suis vel suis assignatis contra omnes homines mares et feminas warantizabimus et defendemus inperpetuum Pro hac autem donatione concessione et warantizatione dedit michi dictus Hugo unum mesuagium cum pertinentiis in excambium quod iacet inter terram Johannis de Coleshulle et terram Galfridi de Eynesham in parochia sancti Martini Oxon Ut igitur prescripta et predivisa firma et stabilia sine dolo permaneant inperpetuum huic presenti scripto sigillum meum apposui Hiis testibus Nicholao de Stokwell tunc maiore Oxon Willelmo de Ew Galfrido le Mercer tunc ballivis Johanne de Coleshull Waltero aurifabro Galfrido aurifabro Galfrido de Eynesham Andrea de Derham Roberto Bodyn Willelmo Hastill Henrico de Swyneshulle Willelmo de Swyneshull Roberto clerico et aliis