Charter Document - 05450467
| Charter Number: | 05450467 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1299 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alicia Fichet in mea ligea viduitate et potestate dedi et concessi et hac presenti carta mea confirmavi Hugoni filio Hugonis de Walton totam illam terram cum omnibus pertinentiis que iacet inter terram que fuit Yvonis de Wodestok ex una parte et terram Ricardi de Wolgericot ex altera in parochia sancti Egidii extra portam aquilonarem in suburbio Oxon habendum et tenendum de me et heredibus meis inperpetuum sibi et heredibus suis vel suis assignatis libere et quiete integre bene et in pace reddendo inde annuatim dicte Alicie quamdiu vixerit xii d ad quatuor principales terminos anni et heredibus suis ii d ad pascha pro omni servitio consuetudine et demanda salvo redditu capitalis domini Et ego predicta Alicia et heredes mei totam predictam terram cum omnibus pertinentiis predicto Hugoni et heredibus suis vel suis assignatis contra omnes homines mares et feminas christianos et judeos warantizabimus et defendemus Pro hac autem donatione concessione et warantizatione dedit michi dictus Hugo xx s sterlingorum in gersumma Et ut hec mea donatio concessio et warantizatio rata et stabilis permaneat hoc scriptum sigilli mei appositione corroboravi Hiis testibus Willelmo Crompe Johanne de Curtlinton Ada de Middelton Simone filio Milonis Ricardo de Wolgaricot Ernaldo Goer Henrico filio Milonis et multis aliis