Charter Document - 05450464
| Charter Number: | 05450464 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus filius Stephani assensu et voluntate Gode uxoris mee et Ricardi heredis mei concessi dimisi et liberavi et hac presenti carta mea confirmavi Roberto palmario dimidietatem totius terre mee cum pertinentiis extra portam aquilonarem Oxon in parochia sancti Egidii que est inter terram Radulphi de Wittenham et terram Ricardi le Bolter illam scilicet dimidietatem que est in parte australi illi et heredibus suis vel cui eam assignare voluerit tenendam et habendam de me et heredibus meis in feodo et hereditate libere quiete honorifice et integre reddendo inde annuatim ille et heredes sui vel ille cui eam assignaverit michi et heredibus meis iiii d ad festum sancti Michaelis pro omni servitio et omni exactione ad me vel ad heredes meos pertinente Et ego et heredes mei warantizabimus prefatam terram predicto Roberto et heredibus suis vel cui eam assignaverit contra omnes homines mares et feminas Pro hac autem concessione dimissione liberatione et warantizatione prenominate terre dedit michi predictus Robertus v s et Ricardo heredi meo viii s de gersuma Et ut hec omnia sicut prenotata sunt predicto Roberto et heredibus suis vel suis assignatis rata stabilia et inconcussa inperpetuum permaneant ea presenti carta mea sigillo meo communia confirmavi Hiis testibus Galfrido Sturdi Symone Balehorn Roberto Eilmer Andrea de Wolvercote Radulpho Viel Willelmo tegulatore Waltero Longo Johanne Crampe Johanne Coche Milone de Kokesham et multis aliis