Charter Document - 05450463
| Charter Number: | 05450463 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1299 |
| Date type: | Assigned |
| Resource Link(s): |
|
Charter:
Sciant presentes et futuri quod ego dominus Willelmus Crompe capellanus Oxonie dedi concessi et hac presenti carta mea confirmavi Johanni de Middelton filio Ade de Middelton et heredibus suis vel suis assignatis unam dimidiam acram terre inperpetuum cum pertinentiis suis in villa Oxonie jacentem in campo de Bemund in latitudine inter terram abbatisse de Godestowe et eiusdem conventus ex parte boriali et inter terram fermerie eiusdem loci ex parte australi unde unum capud predicte acre dimidie in longitudine se extendit versus orientem et aliud versus occidentem habendam et tenendam predictam dimidiam acram cum suis pertinentiis de me et heredibus meis vel meis [assignatis] predicto Johanni et heredibus suis vel suis assignatis libere quiete integre bene et in bona pace inperpetuum reddendo inde annuatim michi et heredibus meis vel meis assignatis unam clavem gariophili ad festum sancti Michaelis pro omnibus servitiis consuetudinibus et secularibus demandis que modo sunt vel de cetero accidere poterunt inperpetuum Et ego predictus Willelmus et heredes mei vel mei assignati predicto Johanni et heredibus suis vel suis assignatis contra omnes mortales warantizabimus acquietabimus et defendemus inperpetuum Pro hac autem donatione concessione et presentis carte mee confirmatione dedit michi predictus Johannes dimidiam marcam argenti premanibus in gersumam Et ut hec mea donatio concessio et presentis carte mee confirmatio rata et stabilis permaneat hanc cartam sigilli mei inpressione roboravi Hiis testibus Roberto molendinario Roberto de Barton Nicholao filio Mile Nicholao Rodeplonte Roberto de Middelton Willelmo Long Ricardo de Gover et multis aliis