Charter Document - 05450460
| Charter Number: | 05450460 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1326 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter dominam Margeriam de Dyne permissione divina abbatissam de Godestowe et eiusdem loci conventum ex parte una et Walterum de Westone ex altera videlicet quod predicta abbatissa et conventus predictus concesserunt et tradiderunt pro se et successoribus suis predicto Waltero heredibus et assignatis suis quoddam tenementum in suburbio Oxon in vico sancti Egidii quod quondam vocabatur Margretehalle quod quidem tenementum situm est inter tenementum quod fuit Nicholai Rodeplonte ex parte australi et tenementum quod fuit Ricardi de Oseney ex parte boriali habendum et tenendum predictum tenementum cum pertinentiis et aysiamentis suis de predictis abbatissa et conventu et earum successoribus predictis Waltero heredibus et assignatis suis libere quiete bene et in pace ad terminum sexaginta annorum termino incipiente in crastino annunciationis beate Marie anno regni regis Edwardi filii regis Edwardi decimo nono reddendo inde annuatim abbatisse et conventui de Godestowe predictis et earum successoribus iiii s argenti ad duos anni terminos videlicet ad festum sancti Michaelis ii s et ad festum beate Marie in Marcio ii s et domui hospitalis sancti Johannis Oxon singulis annis xii d pro omni servitio exactione et demanda Et si contingat quod absit quod dictus redditus terminis statutis minime predictis abbatisse et conventui ac etiam domui sancti Johannis Oxon et eorum successoribus fuerit plenarie solutus set a retro per annum integrum et quatuor dies extunc liceat dictis abbatisse et conventui dictis tenementis in fine anni intrare et in proprios usus recipere et occupare sine contradictione alicuius seu aliquorum Concedunt etiam predicte abbatissa et conventus pro se et successoribus suis predictis Waltero heredibus et assignatis suis quod sint propinquiores aliis in emptione dicti tenementi ad finem dicti termini sexaginta annorum completorum nisi prius a dicto tenemento ratione redditus non soluti quod absit ut predictum est amoneantur renunciantes ex utraque parte pro eis et successoribus omni exceptioni cavillationi et maxime regie prohibitioni et omnis juris remedio per quod presens instrumentum sub forma prescripta impediri poterint Et ut hec conventio rata et stabilis permaneat partes alternatim sigilla sua presentibus apposuerunt Data apud Godestowe die et anno supradictis