Charter Document - 05450459
| Charter Number: | 05450459 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1279 - 1283 |
| Date type: | Assigned |
| Resource Link(s): |
|
Charter:
Hec est conventio facta inter Roysam dei gratia abbatissam de Godestowe et eiusdem loci conventum ex una parte et Ricardum de Haneburg ex altera videlicet quod dicta abbatissa et dictus conventus unanimi consensu ac bona voluntate sua dimiserunt et ad feodam firmam tradiderunt dicto Ricardo illud mesuagium cum pertinentiis suis quod situm est inter tenementum Wyoti carpentarii et terram Ade de Middelton in parochia sancti Egidii in suburbio Oxon habendum et tenendum de dictis abbatissa et conventu et eorum successoribus dicto Ricardo et heredibus suis de corpore suo legittime procreatis libere quiete bene et in pace reddendo inde annuatim predictis abbatisse et conventui et eorum successoribus dictus Ricardus et heredes sui de corpore suo legittime procreati xiii s et iiii d ad quatuor anni terminos scilicet ad natale domini xl d et ad festum beate Marie in Marcio xl d et ad festum nativitatis sancti Johannis baptiste xl d et ad festum sancti Michaelis xl d pro omni servitio seculari et demanda salva secta duarum curiarum Dicta vero abbatissa et dictus conventus et eorum successores dictum mesuagium cum pertinentiis suis dicto Ricardo et heredibus suis de corpore suo legittime procreatis contra omnes homines mares et feminas tam christianos quam iudeos warantizabunt acqiuetabunt et defendent imperpetuum ita tamen quod dictus Ricardus et heredes sui dictum mesuagium cum pertinentiis suis propriis sumptibus sustinebunt in adeo bono statu quam illud receperunt vel meliori et non licebit dicto Ricardo nec heredibus suis in toto vel in parte dictum mesuagium dare vel aliquo modo alienare Et si contingat quod absit quod dictus redditus ad terminos statutos non fuerit solitus vel quod dictum mesuagium sit ruinosum ita quod dictus redditus de dicto mesuagio levari non poterit tunc licebit predictis abbatisse et conventui et eorum successoribus in fine anni dictum mesuagium intrare et in proprios usus recipere et occupare sine contradictione alicuius seu aliquorum renuntians utraque pars pro se et eorum successoribus sive heredibus omni exceptioni cavillationi et maxime regie prohibitioni et omnis iuris remedio per quod presens instrumentum sub forma prescripta impedire poterit In cuius rei testimonium huic presenti scripto in modum cyrographi confecto partes sigilla sua alternatim apposuerunt Hiis testibus Henrico Owayn tunc maiore Oxon Elya le Quilter Philippo de Ew tunc ballivis eiusdem ville Waltero Bost tunc ballivo extra portam borialem Oxon Johanne de Curtlington Ade de Middelton Willelmo Crompe Johanne de Cumpton Nicholao de Worton et aliis