Charter Document - 05450456
| Charter Number: | 05450456 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1330 |
| Date type: | Internal, Feast, Regnal |
| Resource Link(s): |
|
Charter:
Inter Margeriam de Dyne permissione divina abbatissam de Godestowe et eiusdem loci conventum ex parte una et Johannem Cuddyng scissorem Oxon et Aliciam uxorem eius ex parte altera convenit in hunc modum videlicet quod predicti abbatissa et conventus unanimi consensu et assensu totius capituli sui tradiderunt concesserunt et dimiserunt dictis Johanni et Alicie ad terminum quadraginta annorum proxima sequentium post confectionem presentis plenarie completorum quoddam mesuagium cum curtilagio in suburbio Oxon in vico et parochia sancti Egidii inter tenementum dictorum abbatisse et conventus ex utraque parte quod quidem mesuagium vulgariter Middelton Hall nuncupatur habendum et tenendum dictum mesuagium cum curtilagio et suis ubique pertinentiis predictis Johanni et Alicie heredibus ac suis executoribus durante termino quadraginta annorum predicto de dictis abbatissa et conventu et successoribus suis reddendo inde annuatim dictis abbatisse et conventui et successoribus suis xiii s et iiii d argenti ad duos anni terminos videlicet ad festum sancti Michaelis archangeli vi s et viii d et ad festum annunciationis beate Marie in Marcio vi s et viii d et abbati de Eynesham annuatim xiiii d argenti ad eosdem terminos per equales porciones ad totum terminum predictum pro omni servitio et actione seculari Et predicti abbatissa et conventus et successores sui predictum mesuagium cum curtilagio et suis ubique pertinentiis prefatis Johanni et Alicie heredibus et executoribus suis per totum terminum predictum contra omnes mortales warantizabunt et per predictum redditum defendent Et predicti Johannes et Alicia heredes et executores sui dictum mesuagium cum curtilagio in adeo bono statu seu melior quo illi receperunt durante termino predicto sumptibus suis sustentabunt et defectus in eisdem cum neccesse fuerit competenter emendabunt et reparabunt Et si dictis annualis redditus terminis predictis per unum annum et quatuor dies a retro fuerit quod absit ex tunc liceat dictis abbatisse et conventui et successoribus suis dictum mesuagium cum curtilagio ingredi et reassumere et in proprios usus retinere imperpetuum sine quavis contradictione seu inpedimento aut retentione quorumcumque Nec liceat dictis Johanni et Alicie heredibus aut executoribus suis dictum mesuagium cum curtilagio quoquo modo alienare vendere vel dimittere nisi dictis abbatisse et conventui et successoribus suis si ea aliter dimittere voluerint Et ad predictum redditum terminis statutis fideliter solvendum predicti Johannes et Alicia obligant se heredes et executores suos ac omnia bona sua mobilia et immobilia ubicumque fuerint inventa et principaliter terras et tenementa sua in comitatu Oxon ad manus quorumcumque devenerint districtioni et cohercioni dictorum abbatisse et conventus et suorum ballivorum In cuius rei testimonium partes predicti sigilla sua presentibus scriptis indentibus alternatim apposuerunt Data apud Godestowe in pleno capitulo suo die dominica in crastino sancti Michaelis archangeli anno regni regis Edwardi tercii post conquestum quarto