Charter Document - 05450454
| Charter Number: | 05450454 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1295 - 1304 |
| Date type: | Assigned |
| Resource Link(s): |
|
Charter:
Notum sit omnibus hoc presens scriptum visuris vel audituris quod nos Alicia de Gorges permissione divina tunc abbatissa de Godestowe et eiusdem loci conventus unanimi assensu et concessu totius capituli nostri dedimus concessimus et hoc presenti scripto nostro confirmavimus pro nobis et successoribus nostris Philippo de Mixebur Alicie uxori sue et Johanne filie eorundem Philippi et Alicie totam illam placeam cum uno muro lapideo et quibuscumque pertinentiis suis et aysiamentis situatam in parochia sancti Egidii in suburbio Oxon inter terram Henrici le peyntour ex parte boriali et terram Willelmi le Loung ex parte australi habendam et tenendam totam placeam predictam cum muro lapideo et omnibus aliis quibuscumque pertinentiis suis et aysiamentis predictis Philippo Alicie et Johanne filie eorundem coadvixerint vel eorum uni diucius viventi libere quiete integre bene et in pace ita vero quod ipsi Philippus Alicia et Johanna sumptibus suis domos sive edificia in predicta placia levari seu edificari faciant in quibus honestius inhabitari posset et ad eorundem maius comodum et proficuum coadvixerint seu eorum unus diucius vixerit sine destruccione seu prostractione domorum reddendo ad faciendo inde annuatim nobis et successoribus nostris vi s et viii d argenti ad quatuor anni terminos principales et usuales et secta ad curiam nostram de Walton bis per annum ac servitium unius hominis per unum diem in autumpno pro omnibus servitiis et secularibus demandis semper salva et reservata nobis et successoribus nostris et ballivis nostris plena potestate tam pro predicto redditu quam pro aliis servitiis supradictis predictum tenementum per omnia bona et catalla in eodem inventa omnibus modis namiandi et distringendi quotiens opus fueri sine contradictione vel impedimento predictorum Philippi Alicie et Johanne vel aliquorum aliorum nomine suo et namia et districtiones tamdiu retinendi donec tam de predicto reddito quam de aliis servitiis supradictis plenarie fuerit nobis satisfactum ac etiam per lapsum temporis vendendi si neccesse fuerit iuxta consuetudinem ville Oxon Et nos predicta Alicia de Gorges ac eiusdem loci conventus et successores nostri totam placiam predictam cum omnibus muris et quibuscumque pertinentiis prenominatis Philippo Alicie et Johanne filie eorundem Philippi et Alicie quamdui vixerint ac uni eorum diucius viventi contra omnes homines et feminas warantizabimus acqietabimus et per predictum servitium defendemus In cuius rei testimonium huic presenti scripto in modum cyrographi confecto tam nos predicti abbatissa et eiusdem loci conventus pro nobis et successoribus nostris ex parte nostra quam predicti Philippus Alicia uxor eius et Johanna filia eorundem ex parte sua sigilla nostra alternatim apposuimus Hiis testibus Johanne de Beverlaco Henrico le peyntour Roberto de Miltone Henrico de Weston Willelmo le Loung Nicholao de Haylesdon Gilberto le mareschal Rogero de Gersingdon Ricardo Toky Nicholao Rodeplonte et aliis