Charter Document - 05450453
| Charter Number: | 05450453 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 - 1269 |
| Date type: | Assigned |
| Resource Link(s): |
|
Charter:
Sciant presentes et futuri quod nos Emma Blueth abbatissa de Godestowe et conventus eiusdem loci dedimus concessimus et hac presenti carta nostra confirmavimus Pilippo scriptori de Bellomonte unum mesuagium in Bellomonte in suburbio Oxon in parochi sancti Egidii quod est inter terram dicti Philippi et terram que quondam fuit Ade Schenevec habendum et tenendum de nobis et successoribus nostris sibi et heredibus suis vel suis assignatis libere quiete bene in pace hereditarie imperpetuum reddendo inde annuatim nobis et successoribus nostris ipse et heredes sue vel assignati sui x s ad quatuor anni terminos videlicet ad natale domini xxx d ad annunciationem beate Marie xxx d ad nativitatem sancti Johannis baptiste xxx d et ad festum sancti Michaelis xxx d pro omnibus servitiis querelis exactionibus sectis cuiuscumque curie et demandis salvis duabus magnis curiis ad festum sancti Michaelis et ad hokeday Et si contingat quod dicti redditus ad dictos terminos non solvantur concessit dictus Philippus pro se et heredibus suis quod domus sua propria quousque solvantur distringatur Nos vero abbatissa et conventus predicti et successores nostri dicto Philippo et heredibus suis dictum mesuagium cum omnibus pertinentiis suis contra omnes homines mares et feminas warantizabimus et defendemus Et ut hec nostra concessio donatio et carte nostre confirmatio firma et stabilis permaneat cartam istam sigilli nostri appositione confirmavimus Hiis testibus Wilelmo le Yrreys Willelmo Crompe Adam de Middleton Johanne de Curtlinton Ernaldo le Goyere Petro Goidale et aliis