Charter Document - 05450450
| Charter Number: | 05450450 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1306 |
| Date type: | Internal, A.D., Feast |
| Resource Link(s): |
|
Charter:
Omnibus sancte matris ecclesie filiis ad quos hoc presens scriptum pervenerit Matilda de Upton dei gratia abbatissa de Godestowe et conventus eiusdem loci salutem in domino sempiternam Noverit nos unanimi assensu et concensu totius capituli nostri die natali domini anno domini milesimo tricentesimo sexto dimisisse concessisse et hoc presenti scripto nostro confirmasse Willelmo de Bokenhulle et Margerie uxori sue ac Henrico filio eorum unum tenementum cum pertinentiis situatum in parochia sancti Egidii in hundredo extra portam borialem Oxon inter tenementum predicti Willelmi ex parte una et tenementum Nicholai Rodeplonte ex altera habendum et tenendum predictis Willelmo et Margerie et Henrico ad totum terminum vite eorundum vel alteri eorum diucius viventi libere quiete bene et in pace de nobis et successoribus nostris reddendo inde annuatim nobis et successoribus nostris vii s et iiii d ad quatuor anni terminos communes et usuales et duas sectas curie nostre per annum ac etiam duos dies ad metendum in autumpno pro omnibus aliis servitiis ac demandis Et nos predicta Matilda et successoribus nostris predictum tenementum cum pertinentiis predictis Willelmo et Margerie et Henrico ad totam vitam eorum vel alteri eorum diucius viventi contra omnes mortales warantizabimus acquietabimus et per totum terminum predictum penitus defendemus ita quod predictum tenementum cum pertinentiis post decessum predictorum Willelmi Margerie et Henrici nobis vel successoribus nostris in adeo bono statu vel meliori quo illud primitus receperit redeat sive revertetur In cuius rei testimonium parti huius scripti inter nos cyrograffati penes predictos Margeriam et Henricum residenti commune sigillum capituli nostri apposuimus alteri vero parti penes nos remanenti sigilla predictorum Willelmi Margerie et Henrici sunt apposita Hiis testibus Henrico le peintur de Milton Gilberto marescallo Henrico de Weston Johanne Somere Johanne le Waterman Petro Cuddyng Hugone de Erdintone Roberto de Langeton clerico et multis aliis Data apud Godestowe die et anno supradictis