Charter Document - 05450449
| Charter Number: | 05450449 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1275 - 1283 |
| Date type: | Assigned |
| Resource Link(s): |
|
Charter:
Sciant presentes et futuri quod ego Agnes relicta Ricardi de Brackele in mea viduitate ac ligea potestate mea dimisi concessi et omnino quietum clamavi pro me et heredibus meis Mabilie Wafre abbatisse de Godestowe et eiusdem loci conventui et suis successoribus totum ius et clamium quod habui vel aliquo modo habere potui in toto illo tenemento cum omnibus pertinentiis suis quod dictus Ricardus de Brackele quondam vir meus magistro Thome de Staunford vendidit de quo quidem tenemento cum pertinentiis suis abbatissam dicti loci coram iusticiario in banco per breve domini regis de ingressu implacitavi quod tenementum cum pertinentiis suis situm est ex opposito ecclesie sancti Egidii a parte orientali in suburbio Oxonie habendum et tenendum predictis abbatisse et conventui et suis successoribus libere quiete bene et in pace imperpetuum ita quod nec ego dicta Agnes nec aliquis heredum meorum nec aliquis per me vel pro me in dicto tenemento cum omnibus pertinentiis suis aliquid iuris vel clamii de cetero exigere poterimus Pro hac autem dimissione concessione et quieta clamatione dederunt michi predicta abbatissa et dictus conventus ii marcas sterlingorum premanibus in gersummam In cuius rei testimonium huic carte quiete clamationis sigillum meum apposui Hiis testibus Willelmo le Spicer tunc maiore Oxon Philippo de [O] Elya le Quilter tunc ballivis eiusdem Nicholao de Kyngeston Johanne de Eo Henrico filio Milonis tunc ballivo hundredi extra portam borialem Oxon Galfrido le Sauser Waltero Bost Roberto molendinario et aliis