Charter Document - 05450446
| Charter Number: | 05450446 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 - 1299 |
| Date type: | Assigned |
| Resource Link(s): |
|
Charter:
Sciant presentes et futuri quod ego Paulus filius Ade le Blund dedi concessi et hac presenti carta mea confirmavi magistro Thome de Stamford v d annualis redditus quos solebam recipere de terra que est inter terra vicarii sancti Egidii ex una parte et terram Willelmi Toky ex altera in parochia sancti Egidii extra portam borealem Oxon in suburbio eiusdem ville habendum et tenendum predictum redditum cum toto jure et clamio cum pertinentiis quod inde habui vel in posterum habere potui dicto magistro Thome et heredibus suis vel quibuscumque et quandocumque dare legare vendere alienare vel assignare voluerit tam in egritudine quam in sanitate de me et heredibus meis vel meis assignatis libere quiete jure et hereditario inperpetuum reddendo inde annuatim michi et heredibus meis vel meis assignatis unum clavem gariophili ad pascha pro omni servitio seculari exactione et demanda Et ego predictus Paulus et heredes mei vel mei assignati warantizabimus acquietabimus et defendemus predictum redditum cum pertinentiis predicto magistro Thome et heredibus suis vel quibuscumque dare legare vendere alienare vel assignare voluerit contra omnes gentes mares et feminas tam iudeos quam christianos per predictum servitium inperpetuum Pro hac autem donatione concessione warantizatione acquietatione defentione et presentis carte mee confirmatione dedit michi predictus magister Thomas iii s sterlingorum in gersummam Et ut hec omnia predicta firma et stabilia permaneant inperpetuum huic carte sigillum meum apposui Hiis testibus Henrico clerico tunc ballivo extra portam borealem Oxon Ada de Middelton Johanne de Kertlinton Arnoldo le Goer Ricardo de Takele Yvono le mercer Johanne de Comton Willelmo Crompe Willelmo Toky et multis aliis