Charter Document - 05450443
| Charter Number: | 05450443 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 - 1245 |
| Date type: | Assigned |
| Resource Link(s): |
|
Charter:
Sciant presentes et futuri quod ego magister Petrus de Dyneham dedi et concessi et hac presenti carta mea confirmavi deo et beate Marie et ecclesie beati Johannis baptiste de Godestowe et sanctimonialibus ibidem deo servientibus in liberam et puram et perpetuam elemosinam totam terram meam cum pertinentiis suis in Bello Monte quam emi de Ricardo Lambeheved illam scilicet que iacet inter terram que fuit Radulphi tannoris ex una parte et terram Juliane que fuit uxor Johannis futrarii ex altera parte tenendam et habendam libere et quiete in liberam et perpetuam elemosinam salvo servitio dominorum videlicet Ricardi Lambeheved et heredibus suis i d singulis annis ad pascha pro omni servitio et eiusdem feudi capitali domino iiii s scilicet ad quatuor anni terminos ad festum sancti Michaelis xii d ad natale domini xii d ad pascha xii d ad festum sancti Johannis baptiste xii d pro omni servitio consuetudine et demanda Et ut hec mea donatio firma et stabilis ab omni dolo et fraude in perpetuum permaneat huic carte sigillum meum apposui Hiis testibus Petro Turando maiore Oxon tunc existente Ricardo Masce de Brackel Philippo molendinario Henrico Symeon Symone Hwyting Johanne scriptore de Halywelle Lamberto cordubanario et multis aliis