Charter Document - 05450442
| Charter Number: | 05450442 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus de Middelton burgensis Oxon filius et heres Ade de Middelton dedi et concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris totum mesuagium meum in parochia sancti Egidii in suburbio Oxon quod quidem mesuagium situm est inter mesuagium Nicholai filii Milonis in eadem parochia ex parte australi et mesuagium Roberti Spareuwe ex parte boriali una cum tribus acris et dimidia acra terre arrabilis in Bellomonte jacentibus inter terram dicte abbatisse de Godestowe ex parte boriali et terram Roberti de Barton ex parte australi que se abuttant a via regia de Bellomonte usque ad curtilagia versus occidentalis habendum et tenendum totum predictum mesuagium cum omnibus suis pertinentiis una cum predictis tribus acris terre et dimidia [acra] terre arrabilis de me et heredibus meis vel meis assignatis predictis abbatisse et conventui de Godestowe et eorum successoribus libere quiete bene et in pace integre inperpetuum reddendo inde annuatim capitalibus dominibus illius feudi servitium debitum et consuetum et fabrice ecclesie sancti Egidii Oxon annuatim xii d Et ego predictus Petrus et heredes mei vel mei assignati predictum mesuagium et predictam totam terram arrabilem cum omnibus pertinentiis suis predictis abbatisse de Godestowe et conventui et eorum successoribus warantizabimus acquietabimus et defendemus inperpetuum Pro hac autem donatione concessione et presentis carte mee confirmatione warantizatione et defensione dederunt michi predicte abbatisse et conventus lv marcas sterlingorum premanibus Et ut hec autem mea donatio concessio warantizatio defensio et presentis carte mee confirmatio rata sit stabilis et firma et inconcussa inperpetuum cartam sigilli mei inpressione roboravi Hiis testibus domino Ricardo de Willammescote tunc vicecomite Oxon et custode hundredi extra portam boriale Oxon Johanne de Ew tunc maiore Oxon Willelmo de Wodeston Roberto de Wormehal tunc prepositis eiusdem ville Henrico Oweyn Philippo de Ew Thoma Sovy Waltero Bost et multis aliis