Charter Document - 05450437
| Charter Number: | 05450437 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1236 - 1240 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus Midnith concessi et ratam gratamque habui illam concessionem dimissionem et liberationem quam Robertus Palmerus fecit deo et beate Marie et sancto Johanni baptiste de Godestowe et monialibus ibidem deo servientibus insuper et quietum clamavi pro me et heredibus meis inperpetuum cum toto iure et clamio michi vel heredibus meis pertinente tam de mesuagio quod est inter terram Radulphi de Wittenham et terram Ricardi le Boltere quam de octo buttis terre arabilis cum pertinentiis in campo extra portam aquilonarem Oxon in parte aquilonari aule regis inter terram Galfridi Sturdi et terram Radulphi Pinchehaste habendam et tenendam de me et heredibus meis inperpetuum libere quiete plenarie et integre cum omnibus pertinentiis suis reddendo annuatim pro toto mesuagio integro cum pertinentiis et pro buttis prenominatis ii s capitali domino et michi et heredibus meis i d pro omni servitio Ego vero Ricardus et heredes mei warantizabimus predictum mesuagium cum pertinentiis et buttas prenominatas sicut Robertus Palmerus eisdem concessit dimisit et liberavit contra omnes homines mares et feminas Et ut hec omnia predivisa rata stabilia et inconcussa permaneant ea sigilli mei munimine coroboravi Hiis testibus Galfrido de Stocwell tunc maiore Oxon Symone Balehorn Petro Toraldo Philippo molendinario Andrea de Wolgaricot Willelmo de Kokesham Molon fratre eius Johanne Crompe et aliis