Charter Document - 05450436
| Charter Number: | 05450436 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Palmerus de parochia sancti Egidii Oxon consensu et assensu Royse uxoris mee dedi et concessi et hac presenti carta mea confirmavi deo et beate Marie et sancto Johanni baptiste de Godestowe et monialibus ibidem deo servientibus pro salute anime mee et Royse uxoris mee et animarum antecessorum et successorum nostrorum in puram et perpetuam elemosinam totum tenementum cum pertinentiis quod Walterus Midnith tenuit in parochia sancti Egidii scilicet illud tenementum quod iacet inter tenementum quod Ricardus de Norwiz tenuit et tenementum quod Radulphus de Wittenham tenuit cum octo buttis terre arabilis in campo extra portam aquilonarem Oxon qui sunt in parte aquilonari aule regis inter terram Galfridi Sturdi et terram Radulphi Pinchehaste et terram quam emi de Johanne Boltere cum pertinentiis que continet in longitudine quadraginta ulnas et quatuor in latitudine et iacet proxima dicto tenemento ex parte australi et tenementum cum pertinentiis quod habui in Bello Monte scilicet illud tenementum quod fuit Rogeri le Waterman et iacet inter tenementum Thome sub muro ex una parte et tenementum Matilde textrice ex altera habendum et tenendum libere et quiete plenarie et integre in puram et perpetuam elemosinam inperpetuum salvis servitiis capitalium dominorum feodorum predictorum videlicet domino hundredi extra portam aquilonarem ad festum sancti Michaelis ii s et heredi feodi pro warantizatione i d ad dictum terminum et heredibus Johannis Boltere i d pro emptione nove terre ad dictum terminum et heredibus Rogeri le Waterman xviii d videlicet ad festum sancti Michaelis ix d et ad festum sancte Marie in Marcio ix d [Ego] vero dictus Robertus et heredes mei predicta tenementa cum pertinentiis per predicta servitia predicto domui de Godestowe et monialibus ibidem deo servientibus contra omnes homines et feminas warantizabimus et defendemus inperpetuum Ut autem hec omnia firma et stabilia permaneant hic presenti scripto sigillum meum apposui Hiis testibus domino Silvestro tunc magistro capellano de Godestowe et dominis A et B eiusdem loci capellanis domino Reginaldo tunc eiusdem loci senescallo domino Hereberto tunc vicario Sancto Egidii Oxon Petro Thorald tunc maiore Oxon Philippo molendinario Symone Balehorn Her filio Henrici Symeon Roberto Oweyn Alano Dodeling Waltero Bolle Nicholao Palmero Johanne Crompe Waltero Culvert Roberto clerico et multis aliis