Charter Document - 05450427
| Charter Number: | 05450427 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1322 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Willelmus de Burcestr burgensis Oxon dedi concessi et hac presenti carta mea confirmavi Margerie abbatisse de Godestowe et eiusdem loci conventui in escambium virtute cuiusdam carte domini regis inde confecte prout in eadem carta plenius continetur unum toftum cum pertinentiis in suburbio Oxon extra portam borialem eiusdem ville quod iacet in parochia sancti Egidii inter tenementum Nicholai de Aylesdon ex parte una et tenementum Ricardi le Ken de Oseneye ex parte altera habendum et tenendum totum predictum toftum cum suis pertinentiis predictis abbatisse et conventui et successoribus suis de capitalis dominis feodi illius per servitia inde debita et de iure consueta imperpetuum Et ego predictus Willelmus et heredes mei totum predictum toftum cum suis pertinentiis predictis abbatisse et conventui et successoribus suis contra omnes gentes warantizabimus et defendemus imperpetuum Pro hiis autem donatione concessione et huius carte mee confirmatione warantia et diffensione dederunt michi predicte abbatisse et conventus in escambio pro predicto tofto quoddam toftum cum pertinentiis suis in suburbio supradicto In cuius rei testimonium huic presenti carte mee sigillum meum apposui Hiis testibus Johanne de Dokelyngton tunc maiore Oxon Andrea de Wormenhale et Johanne de Gonewardeby tunc ballivis eiusdem ville Johanne de Hampton Ricardo Cary Roberto de Watlynton Henrico de Brampton Waltero de Euerly Waltero de Erneby Thoma Bost Nicholao de Aylesdone Willelmo de Wendelebury Rogero le bedel Thoma de Legh clerico et aliis Data Oxon quarto die Junii anno regni regis Edwardi filii regis Edwardi quintodecimo