Charter Document - 05450426
| Charter Number: | 05450426 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 - 1206 |
| Date type: | Assigned |
| Resource Link(s): |
|
Charter:
Noverint universi sancte matris ecclesie filii quod ego Willelmus filius Nigelli quondam decani Oxon concessi et hac presenti carta mea confirmavi deo et beate Marie et sancto Johanni baptiste de Godestowe et monialibus ibidem deo servientibus totam illam terram quam habent et tenent de Luca de Osenei de feodo meo per conscensum et voluntatem meam et per conventionem et cyrographum factum inter me et predictum Lucam quod quidem cyrographum ipse moniales habent de ipso Luca faciendo inde servitio prout in cyrographo continetur Et quoniam volo quod ego nec heredes mei nec aliquis alius homo in mundo contra istam conventionem possumus contravenire litteras istas sigilli mei impressione confirmavi Et elapso termino prout in predicto cyrographo continetur domina abbatissa vel conventus reddet illam terram michi vel heredibus meis quiete sine omni contradictione Hiis testibus Willelmo et H capellanis de Godestowe Radulpho Harang Radulpho filio suo Willelmo de Lewechenor Willelmo de Pychecot H senescallo de Godestowe Willelmo Bagehurst Roberto Flameng et multis aliis