Charter Document - 05450421
| Charter Number: | 05450421 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 - 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus filius Milonis Oxon dedi et concessi et hac presenti carta mea confirmavi deo et ecclesie beate Marie et sancti Johannis baptiste et monialibus ibidem deo servientibus et imperpetuum servituris illud mesuagium quod Matillis que quondam fuit uxor Willelmi de Enestane nomine dotis aliquando tenuit in parochia sancti Egidii in suburbio Oxon illud scilicet quod situm est inter terram que fuit Rogeri filii Yvonis et terram Ricardi de Wogaricote habendum et tenendum dictum mesuagium cum pertinentiis suis de me et heredibus meis dictis monialibus et earundem successoribus libere et quiete bene et pacifice imperpetuum reddendo inde annuatim michi et heredibus meis dicte moniales et earundem successores unam rosam ad natale sancti Johannis baptiste pro omnibus servitiis consuetudinibus et secularibus demandis Et ego predictus Henricus et heredes mei dictum mesuagium cum pertinentiis suis dictis monialibus et earundem successoribus contra omnes gentes warantizabimus acquietabimus et inperpetuum defendemus Pro hac autem donatione concessione et carte mee confirmatione dederunt michi predicte moniales v s argenti in gersumma Et ut hec mea donatio concessio et carte mee confirmatio firmitatis robur optineat presentem cartam sigilli mei impressione roboravi Hiis testibus Henrico Oweyn tunc maiore Oxon Galfrido aurifabro Andrea de Derham Ada de Middelton Johanne de Kertlinton Roberto molendinario Ernaldo le tannur Willelmo Crompe de Cumpton et aliis