Charter Document - 05450412
| Charter Number: | 05450412 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1272 |
| Date type: | Internal, Feast, A.D. |
| Resource Link(s): |
|
Charter:
Hec est conventio facta in festo natalis domini anno gratie MCC septuagesimo secundo inter religiosas dominas abbatissam et conventum de Godestowe ex parte una et Robertum Maynard de Oxon capellanum ex altera videlicet quod dicte religiose domine pro se et eisdem succedentibus concesserunt et dimiserunt dicto Roberto ad terminum vite sue nonem acras terre scilicet quinque acras que jacent in Bello Monte que fuerunt aliquando Wyberty sutoris item in eodem campo tres acras que jacent inter terram Johannis Culverd ex parte una et terram que vocatur Dicheacre ex altera preterea unam acram que iacet in parochia ecclesie Sancti Egidii inter terram Petri Godale ex parte una et terram quam Willelmus de Ybernia aliquando tenuit ex altera habendas dicto Roberto quamdiu vixerit et in habitu seculari manserit de predictis abbatissa et conventu et eisdem succedentibus libere et quiete bene et in pace reddendo inde annuatim dictis religiosis dominabus et eisdem succedentibus ix s argenti ad duos anni terminos scilicet ad festum sancti Michaelis iv s et vi d et ad festum beate Marie in Marcio iv s et vi d pro omni consuetudine et demanda Dicte autem religiose domine et eisdem succedentibus totam dictam terram dicto Roberto quoad vixerit contra omnes warantizabunt Moriente autem dicto Roberto vel religione intrante tota dicta terra sine omni diminutione et contraditione dicti Roberti vel assignatorum suorum ad dictas religiosas dominas vel eisdem succedentibus revertatur In cuius rei testimonium huic scripto ad modum cyrographi confecto partes alternatim sigilla sua apposuerunt Hiis testibus domino Nicholao de Kingeston tunc maiore Oxon Andrea de Derham Philippo de O tunc ballivis Oxon Ada de Middelton Johanne de Kertlinton Henrico filio Milonis Ernaldo le Goer Willelmo Crompe Johanne de Cumpton et aliis