Charter Document - 05450411
| Charter Number: | 05450411 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1272 - 1273 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Maynard de Oxon pro me et heredibus meis concesi et quietum clamavi inperpetuum pro salute anime mee abbatisse de Godestowe et monialibus ibidem deo servientibus et servituris unam dimidiam acram terre arabilis que iacet in suburbio Oxon in Bello Monte inter terram Johannis Culverd ex una parte et terram que vocatur Terra Harm ex altera Item dimisi et quietum clamavi eisdem ad opus infirmatorii de Godestowe unam aliam dimidiam acram terre que similiter jacet in Bello Monte inter terram dicte abbatisse et monialium predicti loci ex parte una et terram Willelmi Craumpe ex altera habendam et tenendam dictis abbatisse et monialibus et eisdem succedentibus inperpetuum In cuius rei testimonium huic carte sigillum meum apposui Hiis testibus Waltero Boltton ballivo domini Hugonis de Plesetis Johanne de Curtlinton Willelmo Craumpe et multis aliis