Charter Document - 05450410
| Charter Number: | 05450410 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1272 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Robertus Maynard de Oxon capellanus salutem in domino sempiternam Noverit universitas vestra me dedisse et omnino quietum clamasse deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris pro anima mea et animabus antecessorum meorum tres acras terre mee lucrabiles illas scilicet que jacent in Bello Monte inter terram Johannis Culvert ex parte una et terram que vocatur Dicheacre ex altera quas prius tenui in feodo de prefatis monialibus habendas et tenendas predictas tres acras terre cum omnibus pertinentiis suis predictis monialibus et eisdem succedentibus pro me et heredibus meis vel meis [assignatis] ita quod ego dictus Robertus vel heredes mei seu mei assignati aliquod ius sive clamium in predictis tribus acris terre cum pertinentiis suis nunquam vendicare poterimus Et ut hec mea donatio et concessio et quieta clamantia stabiles et inconcusse inperpetuum permaneant hoc presens scriptum sigilli mei munimine roboravi Hiis testibus domino Nicholao de Kyngeston tunc maiore Oxon Andrea de Derham et Philippo de O tunc ballivis de eadem Ada de Meddelton Johanne de Kertlinton Ernaldo le Goer Roberto molendinario Johanne de Chauseye Willelmo Crompe et aliis