Charter Document - 05450406
| Charter Number: | 05450406 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Joh de Northmorton pro salute anime mee et heredum et antecessorum meorum concessi et hac presenti carta mea confirmavi deo et beate Marie et sancto Johanni baptiste de Godestowe et monialibus ibidem deo servientibus donum quod Osbertus Turpin et Johanna de Blebiri uxor eiusdem illis fecerunt de medietate cuiusdam crofte que vocatur Parc et de septem virgatis terre cum pertinentiis in Northmorton habendum et tenendum dictis monialibus et earundem successoribus in liberam et perpetuam elemosinam secundum quod carta dictorum Osberti et Johanne uxoris sue quam inde habent proportat et testatur Pro hac concessione et carte mee confirmatione dederunt michi predicte moniales dimidiam marcam argenti Et ego et heredes mei warantizabimus predictis monialibus predictum donum Osberti et Johanne contra omnes gentes Et ut hec mea concessio et confirmatio sit et stabilis eam presenti carta sigillo meo munita confirmavi Hiis testibus Willelmo de Seuekeworth domino Rogero de Withtham domino Henrico de Bayworthe Philippo de Sandervill Henrico Basset Ricardo Turpin Radulpho Blundo Jacobo tunc senescallo de Godestowe et aliis