Charter Document - 05450405

Sciant presentes et futuri quod ego Johanna de Blebiri quondam uxor Osberti Turpin in legittima viduitate mea dedi et concessi et hac presenti carta mea confirmavi deo et beate Marie et beato Johanni baptiste de Godestowe et monialibus ibidem deo servientibus et servituris inperpetuum pro salute anime mee et antecessorum et successorum meorum et pro anima Osberti quondam viri mei totam medietatem totius tenementi mei in villa de Northmorton cum omnibus pertinentiis suis scilicet septem virgatas terre cum pertinentiis quatuor in dominicis et tres in villenagiis videlicet in dominico in Estfelde sex acras que vocantur in Hangindelonde ex parte orientali et quatuordecim acras contra la dich ex parte occidentali et in Middelforlong decem acras versus aquilonem et decem acras in Blakelonde versus aquilonem item in Estfelde viginti duas acras scilicet in Northelongelonde versus aquilonem et in Westlongelonde viginti acras versus aquilonem ad capud predicte terre cum forera et preterea medietatem totius mesuagii quod vocatur Sarch versus aquilonem et medietatem prati quod vocatur Suvenacre ex parte australi et medietatem prati quod vocatur Riscroft versus aquilonem et tres acras prati in Northemede et vi d annuatim percipiendos inperpetuum de Ricardo Turpin et heredibus suis ad festum sancti Michaelis item in villenagio Johannem Suth et totam terram suam cum tota sequela sua et catallis suis omnibus et Matildem que fuit uxor Thome Brun et terram suam cum tota sequela sua et omnibus catallis suis et Aliciam que fuit uxor Johannis de Withtham et terram suam cum tota sequela sua et cum omnibus catallis suis habendum et tenendum predicte abbatisse de Godestowe et monialibus ibidem deo servientibus inperpetuum in liberam et perpetuam elemosinam libere et quiete plene et integre pacifice et honorifice in pratis in pascuis in pasturis in viis in aquis in omnibus locis cum omnibus libertatibus et liberis consuetudinibus ad predictas terras pertinentibus reddendo inde annuatim michi et heredibus meis unam libram cymini ad festum sancti Michaelis pro omni servitio salvo servitio forinseco Donationem etiam et saisinam quam Osbertus Turpyn quondam vir meus et ego dictis monialibus de predicto tenemento cum pertinentiis fecimus in legittima viduitate mea concedo et confirmo secundum quod carta quam de nobis habuerunt proportat et testatur Et ego Johanna et heredes mei warantizabimus predictis monialibus et earum successoribus inperpetuum omnes predivisas terras et tenementa et predicta prata et predictos homines et feminas cum eorum sequelis et cum suis catallis contra omnes homines mares et feminas Et ut hec omnia prescripta et predivisa firma et stabilia inperpetuum permaneant hoc presens scriptum sigilli mei inpressione corroboravi Hiis testibus domino Willelmo de Wildeshor Roberto Basset Johanne de Hakeburne Philippo de Sandrevile Hugone de Kenetwode Milone de Morton Willelmo de Chilton Ricardo Turpin de Morton Jacobo de Hawncia et aliis