Charter Document - 05450404
| Charter Number: | 05450404 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johanna de Blebiri quondam uxor Osberti Turpin in mea ligea viduitate et potestate dedi et concessi et hac presenti carta mea confirmavi deo et beate Marie et beato Johanni de Godestowe et monialibus ibidem deo servientibus et servituris inperpetuum pro salute anime mee et antecessorum et sucessorum meorum totam medietatem totius tenementi mei in villa de Northmortone cum omnibus pertinentiis suis scilicet septem virgatas terre quatuor in dominicis et tres in villenagiis videlicet in dominico in Estefelde sex acras que vocantur in Hangindelonde ex parte orientali et quatuordecim acras contra la dich ex parte occidentali et decem acras in Middelforlonge versus aquilonem et decem in Middelforlonge versus aquilonem et decem acras in Blakelonde versus aquilonem et in Estefelde viginti duas acras in Northelongelonde versus aquilonem et in Westlongelonde viginti acras versus aquilonem ad capud predicte terre cum forera et preterea medietatem totius mesuagii quod vocatur Parc versus aquilonem et medietatem prati quod vocatur Sovenacre ex parte australi et medietatem prati quod vocatur Riscrofte versus aquilonem et tres acras prati in Northmede et vi d annuatim percipiendos inperpetuum de Ricardo Turpin et heredibus suis ad festum sancti Michaelis cum eorum sequelis item in villenagio Johannem Suth et totam terram suam cum totam sequela sua et omnibus catallis suis et Matildem que fuit uxor Thome Brun et terram suam cum tota sequela sua et omnibus catallis suis et Aliciam que fuit uxor Johannis de Wytham et terram suam cum tota sequela sua et cum omnibus catallis suis habendum et tenendum predicte abbatisse de Godestowe et monialibus ibidem deo servientibus inperpetuum in liberam puram et perpetuam elemosinam libere et quiete plene et integre pacifice et honorifice in pratis in pascuis in pasturis in viis in semitis in aquis in omnibus locis cum omnibus libertatibus et liberis consuetudinibus ad predictas terras pertinentibus Donationem etiam et seisinam quam Osbertus Turpin quondam vir meus et ego dictis monialibus de predicto tenemento cum pertinentiis fecimus in legittima viduitate mea concedo et confirmo Et ego Johanna et heredes mei warantizabimus predictis sanctimonialibus et earum successoribus omnes predivisas terras et tenementa et predicta prata et predictos homines et feminas cum eorum sequelis et cum suis catallis contra omnes homines mares et feminas et ab omnibus secularibus demandis acquietabimus et defendemus imperpetuum Et ut hec omnia prescripta et predivisa firma et stabilia imperpetuum permaneant hoc presens scriptum sigilli mei impressione corroboravi Hiis testibus domino Willelmo de Wyndlesor Roberto Basset Johanne de Hakeburne Philippo de Sandrevile Hugone de Kenetwed Milone de Morton Willelmo de Chilton Ricardo Turpin de Morton Jacobo de Havehunt et multis aliis