Charter Document - 05450402
| Charter Number: | 05450402 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johanna de Turrevile in legia viduitate mea dedi et concessi et hac presenti carta mea confirmavi deo et beate Marie et ecclesie sancti Johannis baptiste de Godestowe et monialibus ibidem deo servientibus et servituris inperpetuum duas virgatas terre cum pertinentiis suis in tenemento de Morton scilicet illam virgatam terre quam Thomas de Harewelle aliquando de me tenuit ad firmam et illam virgatam quam Agnes relicta Fulconis Suuliter de me tenuit ad firmam habendas et tenendas dictis monialibus et earum successoribus de me et heredibus meis libere et quiete pacifice integre et honorifice in bosco in plano in viis et semitis in pascuis et pasturis et in omnibus aliis locis ad dictam terram pertinentibus reddendo inde annuatim michi et heredibus meis unum par cyrotecarum vel i d ad festum sancti Michaelis pro omni servitio exactione consuetudine secta et demanda Ego vero Johanna de Turevile et heredes mei predictas duas virgatas terre cum pertinentiis suis predictis monialibus contra omnes homines mares et feminas warantizabimus acquietabimus et defendemus inperpetuum Pro hac autem donatione concessione warantizatione et carte mee confirmatione concesserunt michi predicte moniales partem omnium benefitiorum et elemosinarum que in domo sua fient inperpetuum Et ut hec mea donatio concessio warantizatio et carte mee confirmatio rata et stabilis permaneat inperpetuum presentem cartam sigillo meo communi Hiis testibus domino Willelmo de Suuekewerthe domino Rogero de Withtham Roberto de Botteleye Willelmo Calamund Rogero filio Beattis Jacobo tunc senescallo de Godestowe Henrico portario et aliis