Charter Document - 05450398
| Charter Number: | 05450398 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1283 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulphus filius Ricardi de Middelton dedi concessi et hac presenti carta mea confirmavi Alicie sorori mee pro servitio suo quatuor acras terre arabilis in campo de Middelton quarum due iacent in campo orientali et vocantur Revelonde iuxta terram Ricardi filii Osberti et due iacent in campo occidentali una scilicet acra super Endewell et dimidia acra super Greneberwe et alia dimidia acra super viam de Appellowe tenendas et habendas de me et heredibus meis vel assignatis libere quiete plene integre et pacifice sibi et heredibus suis vel cuicumque eas assignare voluerit jure hereditario inperpetuum reddendo inde annuatim michi et heredibus vel assignatis meis i d ad pascha pro omni servitio exactione et demanda Ego etiam Radulphus predicto ratum habeo et eadem carta mea confirmo donum Ricardi patris mei quod fecit predicte Alicie sorori mee de duabus domibus cum ortis suis in villa de Middelton et duabus acris terre arabilis in prefatis campis eiusdem ville de una acra in campo orientali que iacet super Bradeweie et alia acra occidentali cuius dimidia acra iacet super Greneberwe et alia dimidia acra iacet super Bradeweie habendam et tenendam de me et heredibus meis vel assignatis sibi et heredibus suis vel cuicumque eas una cum supradictis quatuor acris assignare vendere vel legare voluerit eisdem libertatibus quibus et quatuor acras prenominatas Ego vero sepedictus Radulphus et heredes mei vel assignati predictas sex acras et duos domos cum pertinentiis suis [predicte Alicie] vel assignatis suis ut prefatum est contra homines omnes warantizabimus in perpetuum Et ut hec mea donatio concessio et utraque confirmatio firma et stabilis inperpetuum permaneat presens scriptum sigilli mei inpressione roboravi Hiis testibus Ricardo filio Ricardi de Edberber Ricardo de Middelton Waltero Burkin Ada de Middelton Ada filio Ely de Mildecumbe Alexandro Buceby et multis aliis