Charter Document - 05450397
| Charter Number: | 05450397 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1283 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alicia filia Ricardi de Middelton in libera potestate mea dedi concessi et hac presenti carta mea confirmavi deo et beate Marie et sancto Johanni baptiste de Godestowe et monialibus ibidem deo servientibus in liberam et perpetuam elemosinam totam terram et tenementa que habui in villa de Middelton videlicet duas domos cum pertinentiis suis et duas acras terre arabilis quas habui do dono patris mei quarum una iacet in campo orientali eiusdem ville super Bradeweye et alia in campo occidentali cuius dimidia acra jacet super Greneberwe et alia dimidia super Bradeweie et quatuor acras terre arablis in campo eiusdem ville quas habui de dono Radulpho fratris mei quarum due iacent in campo orientali et vocantur Revelonde iuxta terram Ricardi filii Osberti et due iacent in campo occidentali una scilicet super Enedewell et dimidia acra super Greneberwe et alia dimidia acra super viam de Appellowe tenendas et habendas de me et heredibus meis quiete libere plene pacifice et integre sibi et successoribus suis inperpetuum cum omnibus libertatibus et liberis consuetudinibus ad dictam terram pertinentibus reddendo inde annuatim michi et heredibus meis vel assignatis i d ad pascha pro omni seculari servitio sequela curie et exactione vel demanda Et ego dicta Alicia et heredes mei vel assignati totam predictam terram sicut predivisum est cum omnibus pertinentiis suis dictis monialibus et successoribus suis contra omnes homines warantizabimus inperpetuum Et ut hec mea donatio concessio et confirmatio rata firma et stabilis permaneat inperpetuum presenti scripto sigillum meum apposui Hiis testibus domino Willelmo vicario de Karsinton tunc temporis magistro de Godestowe domino Rogero de Witham Thoma Waldyn tunc temporis senescallo Henrico de Linginere Ricardo filio Ricardi de Stokes de Middelton