Charter Document - 05450395
| Charter Number: | 05450395 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1246 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter Matildem quondam uxorem Race de Mildecumbe ex una parte et Jacobum quondam senescallum de Godestowe ex altera videlicet quod predicta Matildis de Mildecumbe [in] ligia viduitate sua tradidit et concescit et huic presenti scripto confirmavit predicto Jacobo vel suis assignatis quoddam mesuagium et curtilagium cum toto crofto iuxta villam de Mildecumbe quod Chetelberud quondam tenuit ad terminum duorum annorum sequentium a festo sancti Illarii anno regni regis Henrici filii regis Johannis xxx primo et ut in eodem statu illud mesuagium predictus Jacobus sustineat in quo invenerit set arbores predicti mesuagii ad placitum predicte domine Matildis permaneant Pro hac conventione et traditione predictus Jacobus dedit predicte Matildi x s sterlingorum premanibus Predicta vero Matildis hanc conventionem firmiter observandam fide media interposita usque ad predictum terminum completum pro omnibus secularibus demandis warantizabit Et si ita contingat quo predicta Matildis infra predictum terminum scilicet duorum annorum maxima infirmitate sit detenta nullum facie testamentum de rebus suis mobilibus sive immobilibus antequam predicti x s predicto Jacobo vel suis assignatis per visum legalium et proborum hominum restituentur In huius rei testimonium ad bonum securitatem poscidendam omni cavillatione et contradictione postpositis huic cyrographo partito sigilla sua apposuerunt Hiis testibus domino Bernardo vicario de Bloxham Johanne capellano Petro pyncerna de Mildecumbe Thoma filio Ade Alexandro Boseby Henrico Meriot et aliis