Charter Document - 05450391
| Charter Number: | 05450391 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1312 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus ad quorum notitiam presentes littere pervenerint Thomas Raas filius et heres Jordani Raas de Mildecumbe salutem in domino sempiternam Noverit universitas vestra me remisisse relaxasse et totaliter pro me et heredibus meis imperpetuum quietum clamasse sine aliquo retenemento Matildi de Upton permissione divina abbatisse de Godestowe et eiusdem loci conventui totum jus meum et clamium quod habeo habui vel aliquo modo in futurum habere potero in viginti et nonem acris terre cum omnibus suis ubique pertinentiis iacentibus in diversis locis camporum de Mildecumbe de quibus quidem viginti et nonem acris terre tuli quoddam breve domini regis super predictam abbatissam ac etiam remitto et omnium imperpetuum quietum clamavi predictis abbatisse et conventui totum ius et clamium meum quod habui vel aliquo modo habere potero in omnibus terris tenementis et redditibus quas dicte abbatissa et conventus tenent in villis de Mildecombe et Bloxham habendum et tenendum libere quiete bene et in pace imperpetuum sine aliquo clamio vel retenemento mei vel heredum meorum ita quod nec ego heredes mei nec aliquis nomine nostro in predictis viginti et nonem acris terre seu in aliquibus aliis tenementis seu redditibus que predicte abbatissa et conventus tenent in villis de Mildecumbe et Bloxham aliquid iuris vel clamii decetero exigere vel vendicare poterimus in futurum In cuius rei testimonium huic scripto quiete clamancie sigillum meum apposui Hiis testibus Radulpho de Prewes Hugone de Barton Roberto de Cramford Hugone filio Radulphi de Tiwe Ricardo de Verdoun Johanne filio Thome de Mildecumbe Johanne de Croxford Thoma Bost de Welles Andrea de Staunford Roberto de Milton Henrico le Peyntour et multis aliis Data Oxon die veneris proxima post festum sanctorum Fabiani et Sebestiani anno regni regis Edwardi filii regis Edwardi quinto