Charter Document - 05450388
| Charter Number: | 05450388 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1376 |
| Date type: | Internal, A.D., Abbot-Prior |
| Resource Link(s): |
|
Charter:
In dei nomine Amen Per presens publicum instrumentum cunctis appareat evidenter quod anno domini millesimo trecentesimo septuagesimo sexto mensis Decembris die octava indictione quintadecima pontificatus sanctissima in Christo patris et domini nostri domini Gregorii divina providentia pape undecimi anno sexto in mei notarii publici et testium subscriptorum presentia personaliter constitutus discretus vir dominus Thomas Fraunceys presbyter vicarius prebendalis ecclesie de Button Wigornien diocesis dixit et etiam fatebatur sua libera et spontanea voluntate ut apparebat videlicet in presentia domine priorisse monasterii monialium de Godestowe ac aliarum plurium dominarum et monialium dicti monasterii tunc ibidem existentium quod ecclesia parochialis de Lamiet Wellen diocesis pertinens ad presentationem domine abbatisse et conventus monasterii monialium de Godestowe predicta fuit pentionaria in una marcha sterlingorum solvenda et debita singulis annis abbatisse et conventui monasterii monialium de Godestowe predicto in festo sancti Michaelis Promisit insuper dictus Thomas Fraunceys presbyter et etiam concessit domine priorisse et etiam dominabus et monialibus predictis tunc ibidem nomine monasterii et domus earum [] ibidem presentibus quod cum ipse fuerit assecutus per viam permutationis dictam ecclesiam de Lamyet predictus tunc idem Thomas Fraunceis annuatim suis propriis sumptibus et expensis portabit vel per alium portari procurabit dictam annuam pensionem unius marce infra octabas sancti Michaelis ad monasterii de Godestowe et dictam annuam pensionem unius marcam integre et fideliter ibidem annuatim solvet Item promisit dictus Thomas presbiter quod ipse numquam resignaret dictam ecclesiam de Lamyet extra Angliam sive regnum Anglie ad que omnia et singula facienda complenda et tenenda dictus Thomas Fraunceys presbyter tactis per eum tunc ibidem sacrosanctis dei evangeliis iuramentum prestitit et fecit corporale Super quibus omnibus dictus Thomas presbyter instante requisivit me notarium publicum subscriptum tam sibi quam alii quorum interesse poterit unum vel plura confitere Instrumenta acta fuerunt hec omnia in capella beate Marie in monasterio de Godestowe predicto anno indictionis pontificatus mense die et loco predictis presentibus tunc ibidem discretis viris domino Willelmo Mannyng et Johanne Spenser et Galfrido Benham clericis Wellen et Linc diocesum ac aliis testibus ad premissa vocatis specialiter et rogatis Et ego Edmundus Warham clericus Norwicen diocesis publicus apostolica et imperiali auctoritate notarius premissis omnibus et singulis dum sicut premittitur agerentur et fierent sub anno indictionis pontificatus mense die et loco predictis una cum prenominatis testibus presens fui eaque omnia et singula sic fieri vidi et audivi scripsi et in hanc formam publicam redegi signoque meo et nomine solitam signam rogatus et requisitus in fidem et testimonium omnium premissorum