Charter Document - 05450382
| Charter Number: | 05450382 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 |
| Date type: | Internal, Calendar, Episcopal |
| Resource Link(s): |
Reference Document for this Embedded Document Reference Document for this Embedded Document |
Charter:
Universis sancte matris ecclesie filiis ad quos presens carta pervenerit Joscelinus dei gratia Baton episcopus salutem in domino Ad universitatis vestre notitiam volumus pervenire nos divine pietatis intuitu de assensu etiam et voluntate capitulorum nostrorum concessisse dilectis nobis in Christo abbatisse et monialibus de Godestowe de ecclesia de Lamiet unam dimidiam marcam annuam preter aliam dimidiam marcam quam antea singulis annis de ea perceperunt ita quidem qui post decessum Johannis de Bristoll clerici nunc eiusdem ecclesie rectoris ad terminum quo predictam dimidiam marcam scilicet ad nativitatem sancti Johannis baptiste percipere consueverunt unam marcam integram nomine perpetui beneficii de eadem percipiant annuatim Et ut hec nostra concessio perpetua gaudeat firmitate eam presenti carta et sigilli nostri appositione duximus minuendam Data per manum nostram apud Dorkecestr tercio decimo kalendas Decembris pontificatus nostri anno sexto decimo