Charter Document - 05450377
| Charter Number: | 05450377 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1240 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Johannes de la Veiscele dedi et concessi et hac presenti carta mea confirmavi deo et beate Marie et sancto Johanni baptiste de Godestowe et sanctimonialibus ibidem deo servientibus pro salute anime mee et Isabelle uxoris mee et pro animabus patrum et matrum et liberorum nostrorum totam terram quam Thomas Levrich tenuit de me in Lodewel scilicet xii acras in uno campo et xii in alio cum mesuagio et croftis et toftis et aliis eisiamentis et cum omnibus pertinentiis aliis predicte terre pertinentibus tenendam de me et heredibus meis in puram et perpetuam elemosinam libere et quiete integre et honorifice in viis et semitis et in pratis et pasturis in boscis et planis et in omnibus aliis locis Ego etiam Johannes et heredes mei predictam terram cum omnibus predictis pertinentiis prefatis sanctimonialibus de Godestowe contra omnes homines warantizare tenemur Predicte vero sanctimoniales de Godestowe michi caritative concesserunt quolibet anno die anniversarii mei xiii pauperes pascere Et ut hac donatio nostra rata sit et stabilis cartam hanc sigilli mei appositione munivi Hiis testibus domino Willelmo domino Huberto domino Walerano sacerdotibus domino Radulfo Harang domino Rogero de Bray magistro Laurentio de Winton Willelmo clerico de Eston Henrico tunc senescallo de Godestowe Johanne de Wotton Roberto le Flemyng et multis aliis