Charter Document - 05450376
| Charter Number: | 05450376 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1314 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl dominus Hibern et dux Aquitan omnibus ad quos presentes littere pervenerint salutem Sciatis quod de gratia nostra speciali concessimus et licentiam dedimus pro nobis et heredibus nostris quantum in nobis est dilecto et fideli nostro Willelmo de Monte Acuto quod ipse duas acras terre cum pertinentiis in Karsinton que de nobis tenentur in capite dare possit et assignare dilectis nobis in Christo abbatisse et monialibus de Godestowe habendas et tenendas sibi et successoribus suis de nobis et heredibus nostris in liberam puram et perpetuam elemosinam in escambium pro duabus acris terre cum pertinentiis in eadem villa que eidem abbatissa et moniales tenent de nobis in liberam puram et perpetuam elemosinam per ipsas dandis et concedendis eidem Willelmo tenendis sibi et heredibus suis de nobis et heredibus nostris per eadem servitia per que alie due acre predicte de nobis tenebantur imperpetuum Et eisdem abbatisse et monialibus quod ipse dictas duas acras terre cum pertinentiis a prefato Willelmo recipere possint et tenere sibi et successoribus suis de nobis et heredibus nostris in liberam puram et perpetuam elemosinam in escambium pro aliis duabus acris terre cum pertinentiis que prefate abbatissa et moniales tenent de nobis in liberam puram et perpetuam elemosinam per ipsas dandis et concedendis eidem Willelmo tenendis sibi et heredibus suis de nobis et heredibus nostris per servitia predicta imperpetuum sicut predictum est tenore presentium Similiter licentiam dedimus specialem statuto de terris et tenementis ad manum mortuam non ponendais edito non obstante nolentes quod predictus Willelmus vel heredes sui aut prefate abbatissa et moniales seu earum successores ratione premissorum per nos vel heredes nostros justiciarios escaetores vicecomites aut alios ballivos seu ministros nostros quoscumque occasionentur molestentur in aliquo seu graventur In cuius rei testimonium has litteras nostras fieri fecimus patentes Teste me ipso apud Cantuar vicesimo secundo die Februarii anno regni nostri septimo per ipsum regem