Charter Document - 05450375
| Charter Number: | 05450375 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1314 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus hanc presentem cartam indentatam visuris vel audituris Matildis de Upton permissione divina abbatissa de Godestowe et eiusdem loci conventus salutem in domino sempiternam Noveritis nos unanimi assensu et per licentiam domini regis dedisse concessisse et per hanc presentem cartam nostram indentatam confirmasse dilecto nobis in Christo domino Willelmo de Monte Acuto militi duas acras terre cum pertinentiis in Karsinton quarum una acra iacet sub gardino predicti domini Willelmi et extendit se usque ad moram et alia acra iacet in uno crofto iuxta manerium predicti domini Willelmi ex una parte et terram Ade Pod ex altera parte in escambio pro aliis duabus acris terre cum pertinentiis in Karsinton quas predictus dominus Willelmus nobis et monasterio nostro per licentiam domini regis per cartam suam dedit et confirmavit habendas et tenendas predictas duas acras terre cum omnibus pertinentiis suis predicto domino Willelmo et heredibus suis de domino rege et heredibus suis per eadem servitia per que predicte alie due acre de domino rege tenebantur inperpetuum Et nos et successores nostre predictas duas acras terre cum omnibus pertinentiis suis predicto Willelmo et heredibus suis contra omnes gentes warantizabimus et imperpetuum defendemus In cuius rei testimonium uni parti huius carte indentate penes dominum Willlelmum existenti sigillum nostrum commune est appensum Alteri parti penes nos existenti sigillum predicti domini Willelmi est appensum Hiis testibus Johanne de Trillowe Johanne de Croxford Roberto de Boteler Waltero le Blund de Karsinton Johanne le Engleis de eadem Johanne Punchard de eadem Jordano Nichol de eadem Andrea de Stamford clerico et multis aliis Data apud Godestowe in pleno loci capitulo nostro die sabbati proxima post festum annunciationis beate Marie anno regni regis Edwardi filii regis Edwardi septimo