Charter Document - 05450374
| Charter Number: | 05450374 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1314 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus hanc presentem cartam indentatam visuris vel audituris Willelmus de Monte Acuto salutem in domino Noveritis me per licentiam domini regis dedisse concessisse et per hanc presentem cartam meam indentatam confirmasse Matildi de Upton permissione divina abbatisse de Godestowe et eiusdem loci conventui et suis successoribus duas acras terre cum pertinentiis suis in Karsinton que jacent in campo de Karsinton videlicet in Croweforlong inter terram Johannis atte Mulne ex parte orientali et terram Thome atte Mulne ex parte occidentali et extendunt se ad viam regalem que ducit ad molendinum de Kersinton in escambio pro aliis duabus acris terre cum pertinentiis in eadem villa et quas prefate abbatisse et conventus per licentiam domini regis per cartam suam michi et heredibus meis dederunt habendas et tenendas predictas duas acras terre cum omnibus pertinentiis suis prefatis abbatisse et conventui et successoribus suis de domino rege et heredibus suis in liberam puram et perpetuam elemosinam libere quiete inperpetuum Et ego predictus Willelmus et heredes mei predictas duas acras terre cum omnibus pertinentiis suis prefatis abbatisse et conventui et successoribus suis contra omnes gentes warantizabimus acquietabimus et imperpetuum defendemus In cuius rei testimonium uni parti huius carte indentate penes prefatas abbatissam et conventum existenti sigillum meum apposui Alteri parti predicte carte penes me existenti sigillum commune predictarum abbatisse et conventus est appensum Hiis testibus Johanne de Trillowe Johanne de Croxford Roberto le Boteler Waltero le Blund de Karsinton Johanne le Engleis de eadem Johanne Punchard de eadem Jordano Nichol de eadem Andrea de Stamford clerico et multis aliis Data apud Karsinton die sabbati proxima post festum annunciationis beate Marie anno regni regis Edwardi filii regis Edwardi septimo