Charter Document - 05450373
| Charter Number: | 05450373 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1314 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl dominus Hibern et dux Aquitann omnibus ad quos presentes littere pervenerint salutem Quia accepimus per inquisitionem quam per dilectum et fidelem nostrum Johannem Abel escaetorem nostrum ultra Trentam fieri fecimus quod non est ad dampnum vel preiudicium nostrum aut aliorum si concedamus dilectis nobis in Christo abbatisse et conventui de Godestowe quod ipse de tribus mesuagiis duobus toftis et una acra terre cum pertinentiis in Kersinton et de septem solidatis redditus cum pertinentiis in eadem villa quem Robertus de Sowy de Oxon et Johannes filius Johannis de Stratford eisdem abbatisse et conventui reddere consueverunt de tenementis que de prefatis abbatissa et conventu tenent in eadem villa simul cum homagiis et servitiis predictorum Roberti et Johannis et heredum suorum feoffare possint Michaelem de Meledon habenda et tenenda eidem Michaeli et heredibus suis de capitalibus dominis feodi illius per servitia inde debita et consueta imperpetuum Nos per finem quem idem Michael fecit nobiscum concessimus et licentiam dedimus pro nobis et heredibus nostris quantum in nobis est prefatis abbatisse et conventui quod ipse de predictis mesuagiis toftis terra et redditu cum pertinentiis simul cum homagiis et servitiis predictorum Roberti et Johannis et heredum suorum feoffare possint prefatum Michaelem habenda et tenenda sibi et heredibus suis de capitalibus dominis feodi illius per servitia inde debita et consueta imperpetuum Et eidem Michaeli quod ipse predicta mesuagium tofta terram et redditum cum pertinentiis simul cum homagiis et servitiis eorundem Roberti et Johannis et heredum suorum a prefatis abbatissa et conventu recipere possit et tenere sibi et heredibus suis sicut predictum est tenore presentium similiter licentiam dedimus specialem nolentes quod predicte abbatissa et conventus vel earum successores aut predictus Michael seu heredes sui ratione premissorum per nos vel heredes nostros justiciarios escaetores vicecomites aut alios ballivos seu ministros nostros quoscumque occasionentur molestentur in aliquo seu graventur In cuius rei testimonium has litteras nostras fieri fecimus patentes Teste me ipso apud Berewicum super Twedam quarto decimo die Junii anno regni nostri septimo