Charter Document - 05450371
| Charter Number: | 05450371 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1350 |
| Date type: | Internal, Feast, Regnal |
| Resource Link(s): |
|
Charter:
Hec indentura facta inter dominam Agnetem de Stretlee abbatissam de Godestowe et eiusdem loci conventum ex una parte et dominum Willelmum de Meldon chivalere ex parte altera testatur quod predicta Agnes et eiusdem loci conventus concesserunt tradiderunt ac dimiserunt dicto domino Willelmo unum mesuagium et tres carucatas terre cum pertinentiis in Karsinton in comitatu Oxon habenda et tenenda predicta mesuagium et terram cum wardis maritagiis releviis escaetis redditibus reversionibus villanis et eorum sequelis pratis pascuis pasturis aquis viis semitis et cum omnibus aliis iuribus et proficuis dictis mesuagio et terre quovismodo spectantibus de predicta Agnete et successoribus suis predicto domino Willelmo et heredibus ac executoribus suis a die sancti Michaelis archangeli proxima post datum presentium usque ad finem termini quadraginta annorum inmediate sequentium plenarie et integre completorum reddendo inde annuatim predicte Agneti et successoribus suis pro primis sex annis proximis sequentibus post datum presentium unam rosam ad festum nativitatis beati Johannis baptiste et post predictos sex annos plene completos extunc singulis annis sequentibus reddendo inde annuatim predicte Agneti et successoribus suis x marcas argenti ad duos anni terminos videlicet ad festa sancti Michaelis archangeli et annunciationis beate Marie equis portionibus et faciendo pro predicta Agnete et successoribus suis per totum terminum supradictum capitalibus dominis feodi illius omnia servitia inde debita et de iure consueta ac omnia alia onera ordinaria et extraordinaria dictis mesuagio et terre quovismodo incumbentia exeptis homagiis et fideliter faciendo cum acciderint Et si predictus redditus ad aliquem terminum statutum per duos menses a retro fuerit extunc bene liceat predicte Agneti et successoribus suis in predictis tenementis ingredi et illa tenementa in plena et pacifica possessione retinere sine contradictione predicti domini Willelmi heredum vel executorum suorum seu aliorum quorumcumque Et preductus dominus Willelmus heredes et executores sui omnes domos dicti mesuagii ut in coopertura et meremio durante termino supradicto sumptibus suis propriis bene et competenter sustentabunt et eas sursum reddent in adeo bono statu quo eas receperunt seu meliori nec liceat eidem domino Willelmo heredibus aut executoribus suis aliquas arbores prosternere nec vastum venditionem aut destructionem facere infra terminum supradictum nisi pro housbote Et predicta Agnes et successores sui predicta mesuagium et terram cum omnibus et singulis suis pertinentiis ut premittitur predicto domino Willelmo heredibus ac executoribus suis usque ad finem termini predictorum quadraginta annorum plenarie et integre completorum contra omnes gentes warantizabunt et defendant In cuius rei testimonium huic indenture penes dictum dominum Willelmum remanenti sigillum commune dicte abbathie de Godestowe est appensum Alteri vero parte istius indenture penes dictam Agnetem remanenti dictus dominus Willelmus sigillum suum apposuit Hiis testibus dominis Johanne Golofre Thoma de la More Thoma de Langeleye militibus Ricardo de Williamescote Willelmo Golofre Johanne Crok Johanne atte Car de Kenecote Thoma de Eleford Johanne de Croxford Johanne Mundy Thoma Mundy et aliis Data apud Godestowe die mercurii in crastino exaltationis sancte crucis anno regni Angl regis Edwardi tercii post conquestum vicessimo quarto regni vero sui Franc undecimo